Производството на вино во Европската унија оваа година најверојатно ќе се намали за шест отсто, процени во понеделникот Европската комисија, посочувајќи дека неповолните временски услови ѝ наштетиле на жетвата во Италија и Шпанија.
ЕУ треба да произведе приближно 150 милиони хектолитри вино оваа година, според првите проценки на ЕК.
Податоците покажуваат пад на производството од 12 отсто во Италија и 14 отсто во Шпанија.
Поради екстремни временски услови и габични заболувања, годинава опустошија лозовите насади во Италија, кои на тој начин ќе го загубат статусот на најголем светски производител на вино, а Франција по осум години ќе се врати на самиот врв, според проценките во Брисел.
Француското Министерство за земјоделство на крајот на минатата недела процени дека производството на вино во Франција годинава ќе остане на минатогодишното ниво и ќе биде за три отсто поголемо од петгодишниот просек, кој изнесува 46 милиони хектолитри, но со големи разлики меѓу регионите.
Европската комисија предвидува дека Франција оваа година ќе произведе 45 милиони хектолитри вино, за еден отсто повеќе од лани.
Закрепнување на производството се очекува и во Германија, со проценета стапка на раст од 16 проценти, благодарение на доволното снабдување со вода. Речиси иста стапка на раст на производството треба да се забележи и во Португалија, која исто така известува за добар квалитет на грозјето.
Потрошувачката на вино, особено црвеното, повторно треба да се намали за 1,5 отсто, бидејќи граѓаните се свртуваат кон други пијалоци, особено пивото, а нивната куповна моќ е намалена, посочуваат од Комисијата.
Домашната и странската побарувачка, „веројатно поради слабеењето на куповната моќ на некои извозни пазари“ и солидните залихи, по рекордниот извоз на некои пазари во изминатите две години.
Во сезоната 2023/2024. извозот на вино од ЕУ би можел да биде поддржан со пониски цени, иако во исто време може да се зајакне конкуренцијата на вина од производители надвор од ЕУ во сегментот на поевтини вина.
