Европската унија ги прекинува царините за американските стоки до крајот на март 2025 година, кои Брисел ги воведе како контрамерка на тарифите на Вашингтон за челик и алуминиум од ЕУ.
Оваа информација денеска беше објавена на официјалната веб-страница на ЕУ.
Европската унија одлучи да се воздржи од тарифи врз основа на договорот со САД во кој Вашингтон вети дека ќе ги суспендира и сопствените царини од 25 отсто за европскиот челик и давачките од 10 отсто за алуминиумот од ЕУ, пренесува Ројтерс.
Американските царини за челик и алуминиум од ЕУ беа воведени во 2018 година од страна на поранешниот американски претседател Доналд Трамп.
Вашингтон претходно се согласи да ги суспендира своите царини за европскиот челик и алуминиум на две години, почнувајќи од јануари 2022 година, и да ги замени со квоти.
Системот на квоти во САД дозволува увоз до 3,3 милиони тони челик од ЕУ и 384.000 тони алуминиум во САД без царина, додека дополнителните количини подлежат на царини.