Најмоќната лимузина на Bentley досега може да се пофали со нов plug-in хибриден V8 со 782 КС, достигнувајќи до 100 км/ч за само 3,5 секунди
Иконскиот W-12 мотор на Bentley се упатува кон големиот отпад на небото (RIP). На негово место е нов хибриден V-8 со уште поголема моќност. Таа поставка дебитираше во Continental GT Speed од 2025 година, а сега ќе ја најдете под хаубата на Flying Spur од 2025 година.
Flying Spur од 2025 година е најмоќниот седан што Bentley некогаш го изградил. Неговиот нов 4.0-литарски V-8 хибрид со твин-турбо има 600 коњски сили, а во комбинација со електромоторот кој испорачува 190 КС, вкупната системска моќност е 782 КС и 1,000 Nm вртежен момент, надминувајќи го досегашниот W-12 во секоја категорија. Тој забележува зголемување на коњските сили за 19% во однос на претходниот модел и 11% зголемување на вртежниот момент, а потребни се само 3,4 секунди за да достигне до „стотка“ – половина секунда побрзо од стариот автомобил.
Благодарение на електромоторот и батеријата од 25,9 kWh батерија Flying Spur има 75 километри електричен опсег на возење со брзина до 140 км/ч.
Четири режими на возење специфични за батеријата ќе им овозможат на клиентите да го извлечат максимумот од таа електрификација: Pure EV, Electric Boost, Regenerative Braking и Charge. Charge режимот го користи бензинскиот мотор за да ги придвижува тркалата и да ја надомести енергијата, но исто така можете да се вклучи и полначот од Ниво 2. На Flying Spur му се потребни два часа и 45 минути за да се наполни со брзина од 11 киловати.
Новиот систем на Active Chassis на Bentley доаѓа стандардно на Flying Spur, комбинирајќи адаптивна суспензија со управување на сите тркала, електронски контролиран диференцијал со ограничено пролизгување и повторно подесен ESC софтвер. Flying Spur има распределба на тежината од 48,3 напред и 51,7 назад.
Визуелните разлики помеѓу овој нов Flying Spur и неговиот претходник се тешки за забележување. Остануваат иконските заоблени фарови на Bentley, но овој нов модел има уникатен дизајн на решетката специфичен за Speed и свеж третман на предниот браник со агресивен дизајн на вентилациониот отвор на секој агол.
Купувачите можат да додадат Styling Specification aero пакет на надворешноста за уште поостар изглед, кој е достапен во карбон или – ново за 2025 година – во боја на каросеријата. А кога сме веќе кај боите, Flying Spur има 101 различна нијанса за избор, вклучително и кој било број од историските книги на Bentley.
Внатрешноста добива огромна технолошка надградба благодарение на ажурираната електрична архитектура на Bentley. Има нова дигитална табла со инструменти и централен екран на допир (со необјавена големина) што работи безжично Apple CarPlay и Android Auto додека нуди надградби преку воздух за работи како мапите. Новото My Bentley App Studio исто така им овозможува на сопствениците да преземаат апликации од трети страни за музика, игри, навигација и друго.
Стандардно доаѓа аудио систем со 10 звучници и 650 вати. Но, купувачите можат да го надградат системот Bang & Olufsen со 16 звучници и 1.500 вати или систем со 2.200 вати со 19 звучници со активен бас трансдуктор вградени на предните седишта. Ламинираното стакло за шофершајбната и страничните прозорци, исто така, го прави новиот Flying Spur девет децибели потивок од досегашниот модел.
Bentley не ги објави цените за новиот Flying Spur, a моделот треба да се најде во продажба пред крајот на годината.
Преземено од Avtoplus.mk
