Дубаи се подготвува да го изненади светот уште еднаш и да ги помести границите. Тоа ќе го направи со новиот облакодер наречен Tiger Sky Tower.. Зградата ќе има 122 ката и ќе биде висока 532 метри.
Она што ќе го направи посебен е највисокиот базен на светот опкружен со шума. Ќе се наоѓа на височина од 447 метри. Со тоа ќе го срушат рекордот што го поставија на почетокот на оваа деценија кога беше отворена зграда со базен на висина од речиси 300 метри.
Во зградата на Tiger Sky Tower ќе биде сместен и највисокиот ресторан во светот. Овој облакодер е наменет да собори дури пет рекорди. Не само што ќе го има највисокиот базен во светот, туку и највисокиот базен во светот со т.н. бесконечниот раб.
Исто така, зградата ќе ја смести највисоката шума во светот во една зграда. Во шумата ќе се наоѓа највисокиот тобоган на светот, кој ќе нуди поглед на зеленилото. Се очекува да ја понесе титулата и на зградата со највисок кралски апартман, која ќе се наоѓа на височина од 427 метри. Највисокиот ресторан на светот ќе се наоѓа на височина од 439 метри.
Проектот го развива Tiger Properties. Тие најавија дека ќе биде ремек дело меѓу облакодери и симбол на луксуз и софистицираност.
Ќе се инвестираат милијарда долари, а зградата е веќе во изградба. Се очекува да биде завршен до крајот на 2029 година.
