Мерцедес најавува отпуштање на десетици илјади вработени и реструктуирање со цел да се прилагоди на состојбата на пазарот.
По Volkswagen, кој претходно најави затворање на фабриките и отпуштање на повеќе од 30.000 работници, кризата во германската автомобилска индустрија ги погоди и другите големи производители. Мерцедес наводно планира да отпушти околу 20.000 вработени.
Минатата година најавија дека ќе укинат 15.000 работни места до 2027 година, но познавачите на случувањата во компанијата тврдат дека бројот на отпуштања може да се зголеми на 20.000. Со овие мерки се очекува да се заштедат пет милијарди евра, што треба да обезбеди стабилност на компанијата и отпорност на кризи во иднина, пишува Fenix-magazin.de.
Причините за ова намалување лежат во падот на бројот на нарачки и бавното прилагодување на промените на пазарот. Тоа се аргументи кои можеше да се слушнат и претходно.
Но, тоа не е се. Заедно со отпуштањата, компанијата планира да ги намали исплатите на бонусите, како што се божиќните бонуси. Слободните места поради отпуштања или пензионирање повеќе нема да се пополнуваат, а наводно се планира продажба на одредени производствени капацитети. Веќе се шпекулира за продажба на фабрика за возила за испорака во Аргентина, во која работат 2.000 луѓе.
Сите приходи, освен за отпремнината, ќе бидат насочени кон развој на електрични автомобили и високи технологии во моторите со внатрешно согорување, но сакаат да се фокусираат на покривање на трошоците.