Европските берзански индекси денес се претежно во пад, цените на нафтата, златото и пченицата се зголемија, додека инвеститорите ги следат новите тензии во трговскиот конфликт меѓу Кина и Соединетите Американски Држави.
Кина ги отфрли обвинувањата од Белата куќа дека го прекршила трговскиот договор од Женева и го обвини Вашингтон дека не го почитува договорот.
САД, по преговорите во Женева, последователно воведоа повеќе дискриминаторски ограничувања против Кина, вклучително и издавање упатства за контрола на извозот на чипови за вештачка интелигенција и запирање на продажбата на софтвер за дизајн на чипови, и најавија откажување на визите за кинеските студенти, според денешното соопштение од Министерството за трговија на Кина, објавено од „Глобал тајмс“.
Дополнително, американскиот претседател Доналд Трамп објави планови за двојно зголемување на царините за увоз на челик и алуминиум на 50 проценти од 4 јуни, што предизвика негативна реакција од Европската Унија и другите трговски партнери, објавува CNN.
Денес во 9:30 часот наутро, индексот DAX на Франкфуртската берза падна за 0,24 проценти на 23.947,50 поени, францускиот CAC 40 за 0,46 проценти на 7.714,06 поени, московскиот MOEX за 1,25 проценти на 2.794,04 поени, додека лондонскиот FTSE 100 порасна за 0,02 проценти на 8.780,25 поени.
Вредноста на американскиот берзански индекс Dow Jones порасна за 0,13 проценти на 42.270,07 поени пред денешното отворање на пазарот, индексот S&P 500 падна за 0,01 процент на 5.911,69 поени, а вредноста на индексот Nasdaq за 0,32 проценти на 19.113,77 поени.
Европските фјучерси за гас за јули беа продадени на отворањето на берзата TTF по цена од 34.050 евра за мегават-час.
Според моменталните податоци од берзата, цената на суровата нафта се искачи на 62.496 долари, а цената на нафтата Брент на 64.258 долари.
Цената на златото се искачи на 3.348,25 долари за унца, а цената на пченицата се искачи на 5,4006 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,14062, што е за 0,52 проценти повисока отколку на почетокот на тргувањето.
