Сојузот на синдикатите на Македонија (ССМ) поднесе официјално барање до Собранието за итно зголемување на минималната плата на 500 евра. Според ССМ, барањето е оправдано и одржливо, имајќи ги предвид економските и социјалните услови во земјата, како и споредбата со земјите во регионот и ЕУ. Синдикатот повикува пратениците да покажат одговорност и да го поддржат предлогот на работниците, со цел зголемување на платите веќе од август 2025 година.
Барањето на ССМ за зголемување на минималната плата е оправдано, потребно и одржано, базирано и на споредбите со другите земји, како и на економските и социјалните услови во Македонија, па од тука бараме Собранието на Република Северна Македонија и пратениците веднаш да пристапат кон Законска процедура и истите да се одважат на нивото на задачата за што се избрани и да го прифатат предлогот на работниците, со што ќе биде овозможено започнувајќи од платата за месец Август 2025 година, работниците во Државата да добиваат зголемена минимална плата како и зголемени плати поради растот на минималната плата.
Потребен е вонреден раст на минималната плата со кој истата ќе се зголеми на 500 евра, за да не се случи во Македонија да имаме најниско платени работниците, а највисоко платени функционери во споредба со земјите во регионот и земјите од ЕУ.
Да видиме кој е за, а кој е против работниците!