Денес европските берзански индекси се во најголем пораст, додека цената на нафтата скокна за повеќе од три проценти откако американската претседателска администрација воведе нови санкции за двете најголеми руски нафтени компании, Роснефт и Лукоил, наведувајќи ја како причина недоволната посветеност на официјална Москва на преговорите за прекин на војната во Украина.
Во Европа, францускиот производител на автомобили „Рено“ објави добри резултати за третиот квартал од 2025 година, како и шведскиот „Волво карс“ и финската телекомуникациска компанија „Нокиа“, а денес се очекуваат извештаите за заработката на компаниите „Унилевер“, „Рош“, „Керинг“ и „Талес“, пренесува CNBC.
Денес во 9:15 часот, индексот DAX на Франкфуртската берза порасна за 0,25 проценти на 24.217,96 поени, францускиот CAC 40 за 0,23 проценти на 8.225,38 поени, британскиот FTSE 100 за 0,29 проценти на 9.540,70 поени, додека московскиот MOEX падна за 3,08 проценти на 2.571,84 поени.
Европските фјучерси за гас за ноември беа продадени денес на отворањето на берзата TTF по цена од 32.250 евра за мегават-час.
Според моменталните податоци од берзата, цената на суровата нафта се искачи на 60.443 долари, а цената на нафтата од типот Брент се искачи на 64.595 долари.
Цената на златото се искачи на 4.115,66 долари за унца, а цената на пченицата падна на 5,0303 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,15953 долари, што е за 0,13 проценти помалку отколку на почетокот на тргувањето.