Саудиска Арабија размислува за проширување на својата програма за премиум престој за да привлече инвеститори, богати поединци и врвни студенти.
Програмата, која е дел од стратегијата „Визија 2030“ на саудискиот престолонаследник Мохамед бин Салман, беше воведена за диверзификација на економијата на земјата и намалување на зависноста од нафта.
Според извор на Ројтерс запознаен со плановите, новите критериуми би можеле да вклучуваат сопственици на суперјахти, инвеститори во луксузни проекти како што е комплексот „Дирија“ во Ријад, вреден 60 милијарди долари, како и студенти со исклучителни резултати.