Додека акциите и криптовалутите растат, златото и среброто денес се во „црвено“. Зголемениот апетит за ризик и флуктуациите на доларот ги натераа инвеститорите привремено да ги напуштат сигурните засолништа.
Цените на благородните метали денес бележат пад на светските пазари, во услови на зголемена неизвесност и пренасочување на капиталот кон поризични инвестиции.
Цената на златото се намали на 4.401,54 долари за унца, што претставува пад од 0,86 проценти. Во текот на тргувањето, златото се движеше во распон од 4.340 до 4.482 долари, што укажува на нестабилност и внимателност кај инвеститорите.
Истовремено, среброто забележа уште поизразен пад, намалувајќи се за 1,47 проценти на 68,33 долари за унца. Максималната вредност достигна 70,36 долари, додека најниската беше 66,16 долари.
Аналитичарите оценуваат дека падот на цените на благородните метали доаѓа како резултат на засилен апетит за ризик кај инвеститорите, кои сè повеќе се насочуваат кон акции и криптовалути, каде што се бележи раст. Дополнително, движењата на доларот и очекувањата за монетарната политика исто така имаат влијание врз цените на овие метали.