Извршниот директор на Меѓународната агенција за енергетика (ИЕА) Фатих Бирол изјави дека е подготвен позитивно да одговори на повикот на Јапонија за ослободување на нови резерви на нафта доколку блокадата на Ормутскиот теснец продолжи, но истакна дека се надева дека тоа нема да биде потребно.
Jапонскиот премиер Санае Такаичи ја повика ИЕА да се подготви за спроведување на уште едно намалување на испораките на нафта доколку Ормутскиот теснец продолжи да биде блокиран.
Бирол му одговори на јапонскиот премиер за време на состанокот во Токио дека е подготвен за ова намалување на залихите „доколку и кога ќе биде потребно“, додавајќи дека „вистински се надева дека тоа нема да биде потребно“, објавија денес неколку светски медиуми.
ИЕА објави претходно овој месец дека нејзините земји-членки ќе ослободат 400 милиони барели нафта од своите резерви за да ги ублажат последиците од војната на Блискиот Исток, најголемата операција што институцијата некогаш ја презела.
Бирол изјави дека „значајна количина нафта сè уште останува на залиха“.
„Осумдесет проценти од нашите резерви се сè уште таму. Овие 400 милиони барели претставуваат само 20 проценти од нашите резерви. Ако и кога ќе биде потребно, ние сме подготвени, но искрено се надевам дека нема да биде потребно“, рече тој.
Според неговата проценка, светот се соочува со сериозна закана за енергетската безбедност, но Меѓународната агенција за енергија е подготвена да ја одигра својата суштинска улога како чувар на глобалната енергетска безбедност.