Првата целосно беспилотна такси услуга во Јапонија ќе биде лансирана до 2027 година, со план да се користат 100 возила во Токио, објавија јапонските медиуми.
Три компании, вклучувајќи ја и Waymo, компанија за развој на автономни автомобили во рамките на Alphabet, матичната компанија на американскиот ИТ гигант Google, објавија дека имаат за цел да започнат со работа на целосно автономни такси во Токио до 2027 година. Компанијата ќе користи технологија за автономно возење базирана на вештачка интелигенција, камери и радар, а доколку се реализира, ќе биде прва од ваков вид во Јапонија.
Возилото ќе работи на „Ниво 4“, второто највисоко од петте нивоа на автономно возење.
Иако Ниво 4 е одобрено за автобуси што сообраќаат на фиксни линии, ова ќе биде прв пат да биде одобрено за такси.
Целта е до 2027 година во Токио да има околу 100 возила во употреба. Возилата ќе работат без екипаж, без возач.