ТТК Банка АД Скопје најави исплата на годишната камата за имателите на корпоративната обврзница од третата емисија (ISIN: MKTTKS200038, берзанска шифра: TTKO3).
Според официјалното известување до Македонска берза, исплатата ќе се реализира на 18 септември 2026 година, по утврдена каматна стапка од 5,00% на годишно ниво.
Право на остварување на оваа каматна исплата имаат сите физички и правни лица кои ќе бидат запишани во книгата на иматели на хартии од вредност во Централниот депозитар за хартии од вредност (ЦДХВ) заклучно со 17 септември 2026 година.
