Јужнокорејската технолошка компанија „Самсунг Електроникс“ денес соопшти дека очекува рекордна оперативна добивка од 107,4 трилиони вони, или 79,8 милијарди долари, во третиот квартал од 2026 година, што е зголемување од 782,5 проценти во однос на претходната година, благодарение на силната побарувачка за чипови поврзани со вештачка интелигенција (ВИ).
Приходите на компанијата во периодот од јули до септември беа проценети на 195 трилиони вони, или околу 145,6 милијарди долари, што претставува раст од 126,6 проценти на годишна основа.
Доколку резултатите се потврдат, „Самсунг“ ќе има рекордни приходи и оперативна добивка четврти квартал по ред, почнувајќи од последните три месеци од 2025 година, пренесува „Јонхап“.
