Европските берзански индекси се измешани денеска, 16 октомври, при што суровата нафта „брент“ се тргува на околу 105 долари за барел, додека инвеститорите ја следат инфлацијата и ризиците во технолошкиот сектор.
Европските пазари се обидуваат да се опорават по распродажбата на технолошките акции, предизвикана од стравувањата поради високиот долг на компаниите што инвестираат во вештачка интелигенција и конкуренцијата од кинеските производители на чипови, објавува Ројтерс.
Инвеститорите чекаат податоци за инфлацијата во Еврозоната за да проценат дали високите цени на нафтата продолжуваат да ги зголемуваат инфлациските притисоци, што е важно и за следните одлуки за каматните стапки.
Фјучерсите за нафта од Северното Море од типот Брент паднаа за 0,48 проценти, на 105.340 долари за барел, додека американската сурова нафта WTI падна за 0,62 проценти, на 97.371 долари за барел, објавува CNBC.
Европските фјучерс договори за гас за ноември беа продадени денес на отворањето на берзата во Амстердам TTF по цена од 85.870 евра за мегават-час, или околу 902 евра за 1.000 кубни метри, со коефициент од 10,5 MWh/1.000 m³.
Според податоците од берзата во 9:30 часот наутро, германскиот берзански индекс DAX порасна за 0,64 проценти, италијанскиот FTSE MIB за 0,55 проценти, московскиот IMOEX за 0,43 проценти, додека францускиот CAC 40 падна за 0,11 проценти, а британскиот FTSE 100 за 0,14 проценти, пренесува Танјуг.
Вредноста на еврото во однос на доларот на Форекс берзата денес е 1,12365 долари.
Цената на златото се искачи на 4.184,19 долари за тројанска унца, а цената на пченицата падна на 6,6585 долари за бушел (еден бушел е еднаков на 27,216 кг).