Африканските земји богати со литиум, вклучувајќи ги Зимбабве и Намибија, се обидуваат да развијат преработувачка индустрија за да заработат од силната глобална побарувачка за клучните суровини за батерии.
Автомобилската индустрија се свртува кон производство на електрични возила, што ја зголеми побарувачката за литиум и неговите цени, пренесува Б92.
Главниот светски производител и преработувач на литиум е Кина, а западните влади и меѓународните компании се обидуваат да го променат балансот на силите и да видат можност во африканските резерви.
Африканските земји, пак, сакаат да заработат повеќе од своите ресурси, што би подразбирало не само нивно екстракција, туку и рафинирање, односно преработка пред извоз.
„Ние си кажуваме дека ако ги имаме минералите што сите ги сакаат, мораме да се погрижиме барем да ги извлечеме поинаку, а не како порано“, рече намибискиот министер за рударство Том Алвеендо во интервју за Ројтерс.
Цените на литиумот минатата година се удвоија
„Ќе побараме литиумот што се ископува во нашата земја да се обработува овде“, рече Алвеендо.
Производството на африкански литиум брзо ќе се зголеми оваа деценија, од овогодишните 40.000 тони на веројатно 497.000 тони во 2030 година, според проценките на трговската компанија за стоки Трафигур. Најмногу литиум се ископува во Зимбабве.
Цените на литиумот се зголемија повеќе од двојно во изминатата година благодарение на побарувачката од производителите на електрични возила која ја надминува понудата. Во декември, Зимбабве го забрани извозот на суров литиум за да го спречи шверцот.
„Планираме да дозволиме само извоз на концентрат“, изјави за Ројтерс министерот за рударство на Зимбабве, Винстон Читандо. „Благодарение на забраната, кај нас дојдоа други инвеститори кои сакаат да ги рафинираат минералите на литиум и да ги развијат до фаза на концентрација“, рече Читандо од Зимбабве. „Приходите ќе ги користиме за развој на домашната преработка.
Проектот за рудникот „Ewoyaa“ треба да ја обезбеди позицијата на компанијата како прв производител на литиум во Гана. Американската компанија „Piedmont Lithium“ потпиша договор за откуп на половина од произведениот литиум. Компанијата „Лео литиум“ планира да ги искористи високите цени и до крајот на годината ќе извезе две пратки литиумска руда од по 30.000 тони од рудникот Гуламина во Мали, изјави извршниот директор Сајмон Хеј.
Приходите ќе бидат искористени за развој на проектот за да се овозможи домашна преработка, објасни Хеј, додавајќи дека првите пратки треба да бидат испорачани на кинескиот „Ганфенг литиум“ кон средината на следната година.
