Фото: Pixabay
Агенцијата за храна и ветеринарство (АХВ) ги информира потрошувачите за повлекување и отповикување на производот, млечна храна за доенчиња со трговско име Picot SL. и тоа производите од брендот Picot SL Celia Prema, Celia Digex -12, Celia Expert 2 со сериски броеви: 17С0013095; 17С0012806 и 170012838 по потекло од Франција, фабрика Лакталис, а увезени во Република Македонија преку фирмата Промедика ДООЕЛ од Скопје.
Информацијата е добиена преку РАСФФ системот за брзо информирање за небезбедна храна на Европската унија.
Потрошувачите кои веќе ги купиле овие производи не треба да ги консумираат и истите можат да ги вратат на местото каде што ги купиле.
На 12-ти овој месец, АХВ доби известување од компанијата увозник на производи од француски Лакталист, дека од пазарот во Македониа превентивно е повлечен производот детска храна за доенчиња – Целија Експерт 2, со сериски број 17Ц0012838.
