Министерството за финансии на Соединетите Американски Држави ја отфрли понудата на групата предводена од американската банка Xtellus Partners за купување на странските средства на руската нафтена компанија Лукоил, објави Ројтерс.
Четири лица запознаени со ова прашање велат дека Xtellus се натпреварувал со американските нафтени гиганти Exxon Mobil и Chevron, групацијата International Holding Company од Абу Даби, унгарскиот MOL и американската фирма за приватен капитал Carlyle.
Сите тие, наводно, сè уште се во трка.
Повеќе од десетина компании понудија да ги купат средствата на Лукоил, кои се проценети на околу 22 милијарди долари (околу 18,72 милијарди евра).
Средствата вклучуваат проекти за производство на нафта и гас, рафинерии и повеќе од 2.000 бензински пумпи низ Европа, Централна Азија, Блискиот Исток и Америка.