Флорин Јурчиш од Романија разви апликација што може да открие луѓе кои не носат маски и да ги предупреди да ја стават маската преку аудио порака, пренесува Romania Insider.
Апликацијата, што го носи името Milnesium Mask Detector, работи со помош на веб или безбедносна камера и има можност за препознавање на лица.
Нејзината употреба ќе биде бесплатна, а ќе може да се користи во супермаркети, трговски центри, јавни институции или приватни компании.
“Кога ќе ја тргнам мојата заштитна маска, апликацијата ќе го забележи тоа и ќе испрати аудио порака: Ве молам ставете ја маската! Предупредувањето ќе престане кога луѓето на правилен начин ќе ја постават маската“, вели Јурчиш.
Фото: Freepik
