Апликација прикажува фотографии од автомобили паркирани на велосипедски патеки

0

Германска апликација наречена Wegeheld (Херој на патот) им овозможува на корисниците да споделат фотографија од непрописно паркирано возило на лента за велосипедисти. Досега апликацијата е преземена повеќе од 100.000 пати и постирани повеќе од 70.000 фотографии на социјалната мрежа Twitter, пишува  Road.cc.

Wegeheld е дело на германскиот велосипедист и активист Хајнрих Штросенрутер. Со помош на апликацијата, корисниците споделуваат и фотографии од непрописно паркирани возила на тротоари, места за инвалиди, паркови, пешачки премини и слично.

Сите направени фотографии автоматски одат на @DasMussWeg профилот на Twitter.

Целта на Хајнрих била да се подигне свеста за безбедноста и соодветното паркирање, но и да се известат надлежните за прекршоците.

Според него, моменталните казни од 10,15 евра се мали и тој апелира истите да се зголемат, но и да се спроведуваат постојано.

Фото: Pixabay