Баерсдорф ја претстави колекцијата Eucerin Volume – Filler

4

Пред поголем број на фармацевти, доктори дерматолози и претставници од медиумите, компанијата Баерсдорф ја промовираше новата линија за нега на возрасна кожа Eucerin Volume – Filler. Во хотелот StoneBridge, д-р Соња Петрушеска специјалист – дерматовенеролог и стручен соработник за Еуцерин вчера одржа едукативна презентација за новите тенденции во грижата за возрасна кожа.

“По 40-тата година способноста на клетките на кожата за регенерација значително се намалува и кај повеќето од жените се забележуваат првите посериозни знаци на стареење, како опуштена кожа, брчки, намалена еластичност, загуба на волуменот и контурите. Дополнително работните и семејните обврски, грижата за децата, стресното секојдневие, влијаат со текот на годините да имаме се помалку време за себе. Притоа најчесто забораваме на негата на сопственото лице. Од друга страна пак, надворешните фактори како диети, неправилна и нередовна исхрана, стрес, надворешни загадувања и штетното влијание на сонцето се немилосрдни и негативно влијаат на квалитетот на нашата кожа, на која и е потребна дополнителна нега. Поттикнати од овие потреби на жените, особено на оние над 40-тата година, а како резултат на неколку годишни истражувања, иновативните научници и дерматолози од Баерсдорф ја создадоа Eucerin Volume-Filler колекцијата – напредна генерација на креми за лице, со особено ефикасни состојки кои го забавуваат процесот на стареењето на кожата”, информираше д-р Соња Петрушеска.

Eucerin Volume-Filler содржи три состојки кои делуваат ефикасно против факторите кои причинуваат кожата да ја губи својата еластичност, форма и волумен. Делува на сите слоеви на кожата, регенерира, правејќи ја кожата мека и еластична. Високо ефикасната состојка Магнолол го зголемува волуменот на кожата, хијалуронската киселина ефикасно ги полни брчките одвнатре кон надвор, додека олигопептидите ја стимулираат синтезата на колаген. Содржи и СПФ 15 заштитен фактор и УВА филтер кој штити од штетните сончеви зраци. Производите се без парабени и додатоци за боја, со напреден заштитен систем што ги прави едноставни за користење и истовремено особено ефикасни. Клиничките тестирања докажаа дека кожата одлично ги поднесува. Новата линија се состои од дневен крем за сува кожа и дневен крем за нормална и комбинирана кожа, ноќен крем за сите типови кожа и крем за околу очите, обезбедувајќи и на кожата потполна нега и заштита во текот на целиот ден.