Со години, легендарниот инвеститор Ворен Бафет зборуваше против златото како категорија на инвестиции. Сепак, работите се менуваат. Компанијата Berkshire Hathaway купила околу 21 милиони акции на Barrick Gold во вредност од 563 милиони долари. Во исто време, тој продаде акции во JPMorgan и Wells Fargo.
Овој потег предизвика лавина коментари во американската инвестициска заедница. Некои, како познатиот портал Zero Hedge, одат дотаму што сакаат да кажат дека овој пат Бафет се обложува против американската економија.
Прaшуваат како да се објасни фактот дека пророкот од Омаха продава акции на големи американски банки, основа на американската економија, која се заснована на заеми, и купува акции на рудници за злато. Но, и покрај продажбата на акциите на Wells Fargo и JPMorgan, Berkshire Hathaway останува длабоко во банкарскиот сектор, особено во Bank of Americа каде со години вредно собира акции.
Мајк Шедлок од Sitka Pacific Capital Management смета дека Бафет едноставно ги разбира финансиските пазари и нивните турбуленции за време на пандемија на коронавирус.
Фото: Freepik
