Претседателот на Соединетите Американски Држави, ЏоБајден, во средата им порача на нафтените и гасните компании во Вашингтон да не ги зголемуваат потрошувачките цени пред влијанието на ураганот Иан на југозападниот брег на Флорида.
„Немојте, повторувам, да го користите ова како изговор за да ги зголемите цените на бензинот или да се пазарите на сметка на американскиот народ“, рече Бајден на почетокот на конференцијата за проблемот со гладот во Америка, пренесува Бета.
Според него, ураганот „не дава оправдување за зголемување на цените на пумпите“. Доколку тоа се случи, додаде Бајден, тој лично ќе побара од федералните власти да утврдат дали има „поскапување“.
„Америка гледа. Нафтената индустрија треба да ја направи вистинската работа“, додаде Бајден.
