Американската инвестициска банка Голдман Сакс им соопшти на своите постари (senior) банкари дека ќе им биде дозволено да одат на одмор колку што сакаат за да можат „да се одморат и да ги наполнат батериите“.
Новата шема за „флексибилен одмор“ е воведена на 1 мај.
Исто така, повеќе помлади банкари, кои сепак ќе имаат право да земаат само фиксен број платени слободни денови, добиваат најмалку два дополнителни дена годишен одмор.
Промени по „нехумани услови“
Промените дојдоа по испитувањето на работните практики на Голдман минатата година кога група помлади аналитичари за инвестициско банкарство му кажаа на менаџментот дека работат во „нехумани“ услови, работејќи во просек 95 часа неделно со пет часа спиење навечер.
Аналитичарите изнесоа предлози како ограничување на работната недела на 80 часа и почитување на постоечката политика помладите банкари да не работат меѓу петок во 21 часот и недела наутро.
Во писмото до вработените, Голдман рече дека е „посветен да им обезбеди на вработените различни бенефиции и понуди за да се обезбеди нивната благосостојба“.
„Додека продолжуваме да се грижиме за нашите луѓе во секоја фаза од нивната кариера и да се фокусираме на искуството на нашите партнери и извршни директори, со задоволство објавуваме подобрувања и промени во нашата глобална програма за одмор, дизајнирана за понатамошна поддршка на слободното време и надополнување“, се вели во соопштението.
Голдман Сакс ќе го применува ова ширум светот
Во светот ќе важи укинувањето на лимитот на висината на платените денови за одмор што можат да ги земат постарите банкари.
Промените направени од Голдман доаѓаат во време кога банките се впуштаат во „грабање“ на таленти што резултираше со големи зголемувања на платите и нови иницијативи за подобрување на рамнотежата помеѓу работата и животот.
