Туристите кои ќе дојдат во посета на Белград ќе имаат можност да го разгледаат градот од хеликоптер, пишува Вечерњи новости.
Во текот на летот, којшто ќе трае 15, 30 или 60 минути, туристите ќе можат да уживаат во комплетната панорама на српската престолнина. Возењето со хеликоптер може да се резервира во Инфо центарот на Туристичката организација на Белград, а цената е 250 евра.
“На располагање се пет хеликоптери ’робинсон’ со искусни пилоти. Во еден од нив се возеа Џони Деп и Моника Белучи“, вели Сара Крнета од Balkans helicopter.
Белград, како што се наведува, е прв град на Балканот, кој на туристите им нуди вакво искуство од воздух.