По аплицирање за членство во SEE Link минатата година, берзата од Бања Лука (BLSE) стана активен член на мрежата на SEE Link, којашто овозможува тргување на соодветните пазари.
Покрај BLSE, уште две берзи се подготвуваат за поврзување на SEE Link: Атина и Сараевската берза.
Со пристапувањето на BLSE, SEE Link системот за рутирање на налози сега поддржува тргување на вкупно шест пазари, со вкупна пазарна капитализација од повеќе од 50 милијарди американски долари и над 900 хартии од вредност коишто може да се тргуваат.
Вкупно 32 инвестициски посредници (брокерски куќи) имаат дозвола да тргуваат преку SEE Link. Покрај тоа, членовите на берзата во Бања Лука во моментов се во процес на добивање членство за тргување преку SEE Link.
Системот има за цел да ја зголеми ликвидноста и да го подобри пристапот за инвеститорите и локалните брокери.
