Европските индекси денес се претежно во благ тренд на раст, при што цената на нафтата од типот Брент се искачи на повеќе од 91 долар за барел, додека пазарите ги очекуваат податоците за инфлацијата во САД, кои ќе бидат објавени во 14:30 часот.
Според податоците на берзата во 9:30 часот наутро, цената на суровата нафта WTI порасна за 0,21 проценти на 88,355 долари за барел, а цената на нафтата Брент порасна за 0,32 проценти на 91,688 долари.
Германскиот DAX порасна за 0,15 проценти, францускиот CAC 40 за 0,43 проценти, британскиот FTSE 100 за 0,14 проценти, додека московскиот MOEX падна за 0,61 проценти.
Вниманието на пазарот е насочено и кон претстојната одлука на Европската централна банка (ЕЦБ) за монетарната политика, при што се очекува креаторите на политиките да ги зголемат каматните стапки во четврток поради зголемените инфлаторни притисоци, објави CNBC.
Европските фјучерси за гас за јули се тргуваа по 49,4 евра за мегават-час на отворањето на берзата TTF во Амстердам денес.
Вредноста на еврото во однос на доларот на берзата Форекс денес е 1,15578 долари.
Цената на златото падна на 4.199,33 долари за тројанска унца, а цената на пченицата се искачи на 5,8984 долари за бушел (еден бушел е 27,216 кг).
Американскиот индустриски просек Дау Џонс порасна за 0,17 проценти на 50.872,11 поени на затворањето на тргувањето во вторник, додека S&P 500 падна за 0,26 проценти на 7.386,65 поени, а Nasdaq падна за 0,97 проценти на 25.678,82 поени.