Претпладнево , Биткоинот се продаваше за 88.593,62 долари на најголемата берза за криптовалути Binance, додека неговата вредност во исто време на берзата Coindesk беше уште поголема и изнесуваше 88.694,64 долари.
Крипто-пазарите позитивно реагираа на победата на Доналд Трамп на претседателските избори во Соединетите Американски Држави, а бранот на многу добро расположение кај инвеститорите сè уште е присутен.
Инвеститорите веруваат дека новиот американски претседател кој се декларира како поддржувач на криптовалутите ќе овозможи овој пазар да процвета.
Вредноста на биткоинот е повеќе од двојно зголемена од овогодинешното ниско ниво од 38.505 долари.
