Биткоинот е премногу неефикасен за да биде средство за плаќање

24

Биткоинот нема иднина како платежно средство поради неговата неефикасност и високите еколошки даноци, вели еден од највлијателните директори во крипто индустријата.

Основачот на крипто менувачницата  FTX, Сем Банкмен-Фрид, вели дека proof-of-work (PoW), систем за валидација на блокчејн трансакции поддржан со биткоин, не може да се справи со милионите трансакции потребни за криптовалутите да станат ефективно средство за плаќање, пишува Фајненшл Тајмс.

„Мрежата на Биткоин не е мрежа за плаќања и скалирање“, рече Банкмен Фрид, коментирајќи го брзорастечкиот пазар на криптовалути, кој е силно погоден од распродажбите и повлекувањата, што предизвика пад на биткоинот за повеќе од 35 отсто од јануари.

Сепак, некои крипто ентузијасти сè уште го гледаат биткоинот како начин за извршување на секојдневни трансакции.

Земјите како Ел Салвадор и Централноафриканската Република го воведоа биткоинот како легитимно средство за плаќање, но најновото истражување од Соединетите Американски Држави покажува дека луѓето, и покрај сите мерки што владата ги воведе за да ги поттикне да ја користат оваа валута, сè уште ја избегнуваат.

30-годишниот милионер, кој го прошири бизнисот на FTX за да стане една од најголемите криптовалути во светот, рече дека може да очекува алтернативни типови блокчејн, како што е proof-of-stake (PoS) или други технолошки иновации, да создадат функционален крипто платен систем.

„Системите преку кои вршите милиони трансакции во секунда мора да бидат исклучително ефикасни, лесни и со помали трошоци за енергија. Proof-of-stake се ефикасни“, рече Банкмен Фрид. Неговата критика на биткоинот дополнително ја истакнува загриженоста за животната средина за количината на енергија потребна за да функционира PoW системот.

Некои европски пратеници побараа забрана на овие системи поради емисиите на јаглерод, пишува Biznis.rs.

„Мислам дека тоа не значи дека биткоинот треба да исчезне“, рече Банкмен Фрид, додавајќи дека криптовалутата може да има иднина како „дигитални средства, стоки или складиште на вредност“ слично на златото.

Фото: Facebook