Биткоинот се стабилизираше во вторникот наутро околу нивото од 57 илјади долари, во услови на тековни шпекулации дека цената наскоро може да го тестира својот најнов рекорд од почетокот на годината.
Најголемата дигитална валута по пазарна капитализација се зголеми за 0,9% минути по 08:30 часот по македонско време на 57.213,76 долари. Меѓутоа, од своја страна, другите водечки монети се со црвена боја. Кај етер намалувањето е 1,1%, додека Рипл и Кардано – од повеќе од 5%. Сепак, индексот Bloomberg Galaxy Crypto е намален за 0,5%.
Биткоинот порасна за 90% од последниот минимум во јули и се очекува да го нападне својот рекорд од средината на април од речиси 65 илјади долари, според Блумберг.
Како и при претходните „рели“ (период во кој цената на едно средство гледа одржлив нагорен моментум), многу причини беа наведени за најновиот врв: олеснување на загриженоста за регулаторните мерки во Соединетите држави и Кина, како и знаци за зголемена компјутерска моќ за рударство на биткоин. Оптимизмот расте и поради можноста американската комисија за хартии од вредност да одобри фонд за берзанско тргување (ЕТF), врзан за биткоин.
„На Биткоин ќе му треба нов катализатор за да достигне 60.000 долари, но ако се случи брзо, рекордниот раст можеби нема да биде толку тешко да се постигне“, рече Едвард Моја, виш аналитичар на пазарот во Оанда.
Индексот на релативна сила на криптовалутата е на ниво од 70 поени, што значи дека е многу блиску до територијата на зголеменета цена. Во исто време, биткоинот традиционално беше склон кон нестабилни движења, што може да ги попречи дури и најдобрите обиди за предвидување.
Одделно, извршниот директор на JPMorgan Chase & Co. Џејми Дајмон рече дека очекува да започне со регулирање на пазарот на криптовалути, бидејќи расте загриженоста во Вашингтон за стабилните и цели класи на средства.
„Блокчејнот може да биде нешто вистинско, „стабилокинот“ може да биде вистински“, рече Дајмон за време на виртуелниот годишен состанок на членовите на Институтот за меѓународни финансии. „Без разлика што мисли некој овде, или што мисли секој либертаријанец, или што мисли било кој за тоа, владата ќе го регулира“, рече тој, мислејќи на биткоин.
