BMW објави дека една година по премиерата на новиот BMW iX3, дури 100.000 клиенти само во Европа го нарачале возилото.
BMW изјави дека ова е најдобриот почеток на првата година од продажбата за кој било од нивните модели досега.
Голем интерес за овој електричен автомобил постои и на други пазари, како што е Кина, каде што моделот iX3 неодамна стана достапен за нарачка, соопшти компанијата. Сепак, производителот на автомобили со седиште во Минхен не даде конкретни бројки за Кина.
„100.000 нарачки за една година се одличен почеток за „New Class“, чие воведување на пазарот добива на интензитет“, рече директорот за продажба Јохен Голер.
„Тоа ни дава дополнителен поттик за иднината на електричната мобилност“.
До крајот на 2027 година, BMW планира да пласира на пазарот вкупно 40 нови и освежени модели кои користат технологии од „New Class“.