По едногодишно реновирање, авионот Boeing 787-8, којшто зафаќа површина од 223 метри квадратни доби нов ултра луксузен лик, пишува Luxuo. Овој приватен џет има пет дизајнерски соби и простор за 40 луѓе кои можат да ги користат сите удобности додека уживаат во погледот под облаците.
Она што е највпечатливо е мастер спалната соба, којашто е поделена со голем калифорниски кревет на делови. Тука воопшто не се слуша работењето на моторот и спиењето е како да сте во некое далечно тивко и мирно место. Во мастер спалната има фрижидер и сеф, а истата преку ходник со вградени шкафови се поврзува со мастер бањата, каде сè е направено од мермер.
Главната дневна соба е прилично пространа и не е поделена на посебни партиции. Тука се наоѓаат три телевизори со рамни екрани, 55 односно 24 инчни. Просторијата може да се прилагоди според потребите на гостите во соба за состаноци, трпезарија или спална соба. Во авионот има и посебен дел за персоналот.
