Адвокатската фирма за животна средина ClientEarth го тужи енергетскиот гигант Shell. Причината е неуспехот на компанијата да ги исполни целите од Парискиот договор од 2015 година, соопшти адвокатската канцеларија.
ClientEarth, кој исто така е акционер во Shell, соопшти дека ја известил компанијата за тужба против нејзините 13 извршни директори и членови на одборот. Според адвокатската канцеларија, јасен е неуспехот на бордот да воведе јасен климатски план во согласност со Парискиот договор.
Дополнително, тоа мора да се смета за прекршување на обврските на Shell според британскиот закон.
Случајот е првпат некој да го смета бордот на директори на компанијата лично за одговорен за неуспехот правилно да се подготви за транзицијата кон нулта јаглероден отпечаток.
Во изјавата цитирана од светските медиуми, Пол Бенсон, адвокат на ClientEarth рече: „Shell е сериозно изложена на физичките и преодните ризици од климатските промени, а нејзиниот климатски план е фундаментално погрешен. Колку подолго одложува Бордот, толку е поголема веројатноста дека компанијата ќе мора да направи остар пресврт за да остане комерцијално конкурентна и да одговори на предизвиците на неизбежниот регулаторен развој“.
Адвокатската фирма со непрофитна организација има долгогодишно искуство во успешно решавање на случаи поврзани со климата. Оттаму му кажале на Shell дека ќе чека одговор на компанијата пред официјално да го поднесе претстојниот случај до Врховниот суд на Англија и Велс.
Како одговор, Shell изјави за CNBC преку е-пошта дека ја спроведуваат нивната глобална стратегија, која го поддржува Парискиот договор. Ова ги вклучува „плановите за деловна трансформација за обезбедување повеќе енергија со ниска содржина на јаглерод за клиентите“.
„Shell“ и претходно беше тужена за нејзината климатска стратегија. Во мај 2021 година, холандскиот суд и нареди на компанијата да ги намали глобалните емисии на јаглерод за 45% до крајот на 2030 година.