Стечајниот управник Јанез Пустатиник ја преполови почетната цена за брендот Adria Airways, која првично беше поставена на 100.000 евра. Продажбата е повторно направена врз основа на обврзувачка колекција на понуди, пренесува Seebiz.
Во процесот на првиот обид за продажба, едно лице го платило депозитот, но потоа не доставило понуда, соопшти Пустатиник.
Тој сега предлага цена од 50.000 евра. Како што објасни тој, во моментов има лоши услови во воздухопловната индустрија и можноста за продажба е помала.
Adria Airways е во стечај од октомври минатата година. Неговата стечајна вредност се проценува на 6,2 милиони евра.
На крајот на јануари, оперативните дозволи на авиокомпанијата беа продадени на аукција за 45.000 евра на Air Adriatic, компанија неодамна основана од словенечкиот бизнисмен Изет Растодер.
Претходно, словенечката влада порача дека нема да даде финансиска помош на Adria Airways, којашто е во сопственост на германскиот фонд 4К Invest.
Овој германски инвестиционен фонд во 2016 година стана мнозински сопственик на словенечкиот авиопревозник.
Фото: Pixabay
