Букурешт е многу работи. Но сигурно не е една работа – Будимпешта. Вака почнува рекламата за чоколадото РОМ што ја изработи агенцијата McCann Букурешт. Преку чоколадото всушност се спроведува една цела кампања за тоа каде се наоѓа Букурешт, а каде Будимпешта. На многу духовит начин, во видеото се објаснува дека целата забуна околу тоа кој град е во Романија, а кој во Унгарија започнала во 1990 година, кога Мајкл Џексон на концерт во Букурешт излегол на сцена и рекол “Здраво Будимпешта!” Истата грешка ја направиле и Iron Maiden, Morcheeba, Lenny Kravitz, Metallica, Ozzy Osbourne, Whitesnake… Овој проблем доживува кулминација кога во 2012 година околу 400 навивачи на Athletic Bilbao го пропуштија финалето на Лига Европа, затоа што наместо во Букурешт, слетале во – Будимпешта.
