Се очекува германската економија постепено да закрепнува по неколку години контракција, особено од вториот квартал на 2026 година, кога економскиот раст ќе се забрза првенствено благодарение на повисоките државни трошоци и растот на извозот, според прогнозата на Бундесбанк објавена денес.
Бруто домашниот производ на Германија ќе порасне за 0,6 проценти во 2026 година, 1,3 проценти во 2027 година и 1,1 процент во 2028 година, се додава во проекцијата на банката.
Се очекува економскиот раст да биде поттикнат од експанзивна фискална политика, издвојувања за одбрана и инфраструктура, како и нови инвестиции во изградба на приватни станови.