По повод месецот на жената CEED Бизнис клубот ќе поддржи три жени претприемачи со годишна стипендија, односно ќе покрие 90% од целата сума за членството во Клубот.
Со ова ќе добиете единствена можност да станете дел од CEED Бизнис клубот и да ги искористите сите поволности што ги нуди. Сопственичките на бизниси кои ќе се приклучат на 100-те претприемачи, сопственици на успешни бизниси од Македонија, ќе можат да ги развиваат своите компании, но и да го продлабочат својот личен развој.
CEED Бизнис клубот им нуди можност на претприемачите и менаџерите од микро, мали, средни и големи претпријатија, независно од индустријата во која работат, од искуството и времетраењето на фирмата, да ја зголемат продажбата, но и да го унапредат менаџирањето со компаниите преку размена на искуства и информации со други искусни претприемачи и менаџери, учење нови современи техники на менаџирање, проширување на мрежата на контакти и соработници.
Заинтересираните жени претприемачи треба да исполнат пет услови:
- Досега да не биле член на CEED Бизнис клубот
- Да бидат основачи на бизнисот
- Компанијата да брои минимум 10 вработени
- Бизнисот да постои минимум пет години
- Да имаат менаџерско искуство минимум 5 години
Рокот за пријавување е до 23.03.2018 година.
Сите оние кои ги исполнуваат гореневедените услови и сакаат да станат членови на единствениот CEED Бизнис клуб можат да се пријават на следниот линк.
