Cybertruck – електричен пикап од Tesla, отпорен на куршуми

34

Tesla го претстави дизајнот на долгоочекуваниот електричен пикап, во своето студио во Калифорнија.

Таканаречениот Cybertruck изгледа како метален трапезоид каде што делот за седење и оној за товар се споени во едно. Надворешниот дел е изработен од истиот нерѓосувачки челик што се користи и во ракетите на SpaceX.

Илон Маск на презентацијата потенцираше дека возилото е отпорно на куршуми, може да влече повеќе товар од Ford F-150 и дека има подобри спортски перформанси од Porsche 911, пишува The Verge.

Најскапата верзија на пикапот ќе биде Tri Motor All-Wheel-Drive, којашто ќе има носивост 1.580 килограми и ќе постигнува 60 километри на час за 2,9 секунди.

Електричното возило ќе може да помине 804 километри со едно полнење. Основната верзија на пикапот ќе чини 39.900 долари а производството е закажано за 2021 година.

Фото: Facebook