Плановите на Данска да го зголеми производството на природен гас од своите наоѓалишта во Северното Море може да резултираат со вкупно зголемување од дури 25 отсто, изјави министерот за енергетика и клима Ден Јоргенсен на денешниот брифинг со новинарите, пренесува Ројтерс.
Во обид да се ослободи од рускиот гас, данската влада денеска предложи зголемување на производството на гас во Северното Море, како и драстично зголемување на производството на електрична енергија од обновливи извори на енергија, се додава во информацијата.
Потсетуваме и на изјавата на премиерката на Данска, од почетокот на март, дека „историските времиња бараат историски одлуки“.
„Данска значително ќе го зголеми буџетот за одбрана и се обидува да стане независна од рускиот гас по рускиот напад врз Украина“, изјави тогаш Мете Фредериксен.