Дали одлуката на Кина повторно да ја отвори својата економија ќе донесе повеќе или помалку инфлација

78

Одлуката на Кина повторно да ја отвори својата економија ќе ја зголеми инфлацијата во Европа бидејќи и двете се натпреваруваат за повеќе енергија, изјави во петокот претседателката на Европската централна банка (ЕЦБ), Кристин Лагард.

Оваа недела на Светскиот економски форум во Давос, Швајцарија, имаше широка дебата за тоа дали одлуката на Пекинг да стави крај на својата политика за нулта Ковид ќе донесе повеќе или помалку инфлација.

Од една страна, некои тврдат дека додека се обновуваат синџирите на снабдување, повторното отворање би можело да намали некои од инфлаторните притисоци со кои се соочи Европа во последните месеци.

Од друга страна, други забележуваат дека Кина ќе троши повеќе енергија и дека тоа ќе придонесе за продолжување на инфлаторните притисоци.

Лагард припаѓа на втората група.

„Повторното отворање на Кина е нешто што во голема мера ќе биде позитивно за Кина, нешто што ќе биде позитивно за остатокот од светот, но ќе имаме инфлациски притисок врз многумина од нас, едноставно затоа што нивото на енергија што таа земја ја троши во лани сигурно е помалку од она што ќе го потрошат годинава, количината на течен природен гас што ќе ја купат од остатокот од светот ќе биде поголема од она што го имавме досега и нема толку многу слободен капацитет во услови за нафта и гас“, рече Лагард во петокот, за време на панелот во Давос, чиј домаќин беше Џеф Катмо од CNBC.

„Значи, ќе има ограничувања, ќе има поголем инфлаторен притисок што ќе дојде од таа дополнителна побарувачка од Кина“, додаде таа.

Меѓународната агенција за енергетика (ИЕА) претходно предупреди дека европските компании би можеле да се соочат со повисоки трошоци при купување на природен гас оваа година, бидејќи ќе има поголема конкуренција за оваа стока.

Инфлацијата е еден од најголемите предизвици за европските граѓани во последната година, главно предизвикан од повисоките сметки за енергија, потсетува CNBC и додава дека ЕЦБ четири пати ги зголемила каматните стапки во текот на 2022 година, со што стапката на депозитите достигна 2%. Централната банка на еврото во декември објави дека ќе продолжи со политиката на зголемување на стапките во 2023 година со цел да се справи со високата инфлација.

Неодамнешните податоци покажуваат забавување на вкупната инфлација, иако таа останува далеку над целта на ЕЦБ од 2%.

Според прелиминарните податоци, декемвриската инфлација во еврозоната изнесува 9,2%. Ова беше втор последователен месечен пад на цените во целата еврозона.