Даночните канцеларии на Управата за јавни приходи (УЈП) денеска ќе работат со продолжено работно време до 20 часот. Тоа е со цел граѓаните да можат да ја поднесат Годишната даночна пријава за поднесување персонален данок на доход во законскиот рок што истекува денеска.
Заклучно со 14-ти март, поднесени се вкупно 403.316 даночни пријави, од кои 1.933 се поднесени по електронски пат.
Пријавите може да се поднесат и преку пошта, преку е-Даноци за регистрираните корисници на електронските даночни услуги, како и во дополнителни шалтери во Скопје, лоцирани на приземјето на Дирекцијата за големи даночни обврзници (зграда на ССМ).