Во такви случаи, вредноста на криптовалутите незапирливо паѓа, па многу инвеститори се нервозни. Додека некои размислуваат за продажба, оние кои се повеќе склони кон ризик дури сега купуваат криптовалути бидејќи се надеваат дека нивната цена повторно ќе се зголеми во иднина.
Но, таа вредност многу се разликуваше во последните две години. На пример во март 2020 година можевте да добиете нешто повеќе од 5.000 долари за еден биткоин, но во првата половина на ноември оваа година вредноста на еден биткоин беше повеќе од 64.000 долари. И тогаш дојде падот. Во јануари цената падна под 40.000 долари, додека сега е малку над таа бројка, а многу инвеститори се прашуваат што ќе се случи оваа година и какви ќе бидат движењата на пазарот на криптовалути.
Одговорот, се разбира, никој не го знае, но затоа многу експерти и аналитичари имаат свои податоци, предвидувања и модели, а еден од овие модели, за кои зборуваше извршниот директор на Seba, Гвидо Булер, влева надеж и оптимизам дека биткоинот во 2022 година би можел повторно го собори рекордот по вредност: „Веруваме дека цената ќе расте“, вели тој за CNBC.
Нивните внатрешни модели и прогнози покажуваат дека цената би можела речиси двојно да се зголеми во споредба со онаа од пред неколку дена кога падна под 40.000 долари. Според најоптимистичката пресметка, вредноста би можела да достигне и до 75 илјади долари – моделот ја проценува вредноста во прилично широк опсег на вредности од 50 до 75 илјади долари. Тој, исто така, предупреди дека нестабилноста може да остане висока.
Како потенцијални причини за растот на вредноста на биткоинот, Булер ги наведува институционалните инвеститори кои би можеле да насочат дел од своите инвестиции во криптовалути, особено биткоин, во текот на оваа и следните години.
