Компанијата Волт Дизни објави дека ќе отпушти уште 7.000 работници во втор бран, со цел да заштеди 5,5 милијарди долари од трошоците.
Се очекува компанијата да отпушти неколку илјади вработени до четврток, пренесува Ројтерс.
Планираните кратења на работните места ќе бидат во сите деловни сегменти на компанијата, вклучувајќи ги Disney Entertainment, ESPM и Disney Parks Company.
Ова се тешки одлуки и ние не ги сфаќаме лесно, но секоја одлука се носи со внимателно разгледување и правиме се што можеме за да обезбедиме овој процес да се води со почит и сочувство, напишаа извршните директори во меморандумот.
Овонеделниот бран на отпуштања се чека со недели, а работниците го нарекоа „голем бран“.
Глобалните кратења на работната сила на Дизни се дел од иницијативата за намалување на трошоците од повеќе милијарди долари, чија цел е да се насочат операциите на компанијата за време на период на превирања во медиумската индустрија.
Отпуштањата следуваат по враќањето на Роберт Ајгер во Дизни во ноември, откако управниот одбор на компанијата го отпушти Боб Чапек како нејзин лидер.
Фото: Pixabay
