По обезбедувањето на средства од европските фондови за закрепнување од коронакризата, Шпанија се соочува со неверојатен проблем. Тие не знаат како да ги искористат сите тие пари, изјавија владини извори за Ројтерс.
Шпанија беше силно погодена од пандемија. Повеќе од 640.000 луѓе се разболеле од Ковид-19, а повеќе од 30.000 луѓе починале. Економијата падна за 18,5% во вториот квартал.
За да закрепне, на Шпанија бесповратно ѝ се доделени околу 140 милијарди евра од пакетот на Европската унија за заздравување. Тоа вклучува 43 милијарди евра бесповратни средства само во наредните две години.
“Да се потрошат тие пари не е лесно“, изјави владин извор.
Четири лица кои се упатени во управување со фондовите рекоа дека постои загриженост и нервоза околу тоа како да се постави систем за преземање на толку многу ликвидност.
Европската комисија им препорача на европските влади парите од пакетот за закрепнување да ги трошат на зелена енергија, сообраќај и инвестиции во дигитализација.
Фото: Pixabay
