Управата за јавни приходи (УЈП) ја објави осмата Листа на должници за оваа година.
На Листата се објавени 2.013 должници – правни лица (повеќе за 89 од претходната листа) и 2.509 физички лица (повеќе за 627 од претходната листа).
Вкупно објавениот нето долг во Листата бр.8/2019 изнесува 9.855.487.876 денари, повеќе за 1.170.910.216 денари од претходната листа.
Нето-долгот за даноци и придонеси изнесува 9.704.800.807денари (повеќе за 1.167.263.170 денари од претходната листа), додека долгот за царински давачки е 150.687.069 денари (повеќе за 3.647.046 денари од претходната листа).
Листата е направена врз основа на долгови доспеани до 30-ти април и неплатени до 31-ви јули оваа година, по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.
Физичките лица и самостојни вршители на должност, кои се најдоа на Листата, должат над 120.000 денари, додека кај правните лица долгот надминува 300.000 денари.
Фото: Pixabay