Дизајнерите од R&D Core Limited создадоа концепт паметен телефон на склопување, совршено решение за оние што не сакаат големи телефони што зафаќаат простор во чантите или џебовите.
Drasphone кога ќе се склопи е малку поголем од просечен USB приклучок, пишува Androidcommunity.
Обвивката на телефонот е направена од неколку подвижни делови коишто меѓусебно се преклопуваат. Екранот е, исто така, флексибилен и не ја губи својата функција дури и кога е на делови.
Кога е склопен Drasphone ги врши основните функции како примање и повици и пораки. Освен тоа, покажува и време, датум и сите останати информации што ќе ги ставите на дисплејот.
