Комерцијална банка АД Скопје ја пушти во употреба апликацијата e – Trader, којашто е наменета за крајните корисници (клиентите на брокерската куќа на банката) преку којашто се овозможува испраќање електронски налози до брокерите на банката и комплетен увид во тргувањето со хартии од вредност на Македонската берза, стои во соопштението.
За користење на апликацијата e – Trader доволно е корисникот да има електронски уред со пристап на интернет. Независно каде се наоѓа, e – Trader овозможува испраќање на електронски налози до брокерите на банката и следење на тргувањето со хартии од вредност во реално време, а со тоа го заменува традиционалниот начин на тргување, којшто претпоставува физичко присуство на клиентите при давање на налозите.
Со една посета на брокерите на банката, корисникот ќе добие корисничко име и лозинка за заштита, а испраќањето на налозите ќе може да го прави од домот, од работните места, од странство, додека е на одмор, итн.
Апликацијата е едноставна за користење и овозможува:
- високо ниво на сигурност (SSL сертификат, единствено корисничко име и лозинка за заштита на корисниците);
- едноставност во пополнувањето на налогот, неговиот внес, измена или повлекување;
- преглед на портфолиото и паричната состојба со моментално ажурирање, согласно пазарната состојба;
- преглед на пазарните податоци (цена, пазарна длабочина, трансакции);
- следење на внес и извршување на налогот во реално време;
- преглед на активни налози;
- следење на налогот во пазарната длабочината;
- аларми (нотификации за промените на пазарот).