Како одговор на руската инвазија на Украина, Европската унија во последните неколку недели ги наметна најстрогите мерки и санкции кон Русија, кои некоја земја некогаш ги добила. Тие, исто така, работат на сузбивање на дезинформациите и разоткривање на митовите насочени кон Украина.
Како дел од поширокиот пакет мерки, објавен на 27 февруари, Советот на Европската унија одлучи да ја прекине дистрибуцијата на руските државни медиуми „Русија денес“ и „Спутник“ низ Европската унија. Овие санкции ги опфаќаат сите средства за пренос и дистрибуција, како што се кабловски, сателити, IPTV, платформи за стриминг, веб-страници и апликации и вклучуваат суспензија на сите релевантни лиценци, одобренија и договори за дистрибуција.
ЕУ овој потег го оправдува со борба против дезинформациите, а сега своето барање за блокирање на руските државни медиуми го испратија до најголемиот светски интернет пребарувач Google. Во барањето, појаснето како појаснување за медиумските санкции, се наведува дека забраната за емитување на руските медиуми е многу широка и сеопфатна, што значи дека се однесува и на социјалните мрежи и интернет компаниите, кои можат да бидат медиум за ширење информации од руски извори.
Facebook, Twitter i TikTok, на пример, веднаш се покорија на европскиот план со забрана на пристап до „РТ“ и „Спутник“, но Google ги отстрани само од YouTube, но не и од пребарувачот. Во новото писмо, Европската комисија им ги објаснува намерите на нејзините санкции и улогата што пребарувачите ја играат во ширењето дезинформации.
„Ако пребарувачите како Google не ги отстранат „РТ“ и „Спутник“ од резултатите, тоа би значело дека тие обезбедуваат јавен пристап до нивната содржина или придонесуваат за пристап до таа содржина“, пишува ЕК.
Соодветно на тоа, тие му наложуваат на Google да ги отстрани од резултатите од својот пребарувач линковите до веб-страниците на „РТ“ и „Спутник“, како и секоја содржина на овие медиуми, вклучувајќи кратки текстуални клипови, визуелни елементи и врски што може да се појават во резултатите од пребарувањето за европските граѓани. Забраната не се однесува само на официјалните линкови до страниците на овие медиуми, туку и на случаите кога поединци ја пренесуваат својата содржина, во форма на „скриншотови“ и слично. Сето ова, според Европската комисија, мора да биде оневозможено во рамките на интернет пребарувачите.
Google официјално не објави никаква реакција на овој потег на Европската комисија, но ако на гуглате на пример „Russia Today“, ќе добиете вести во кои се споменува овој медиум – но не и линкови до него. Според тоа, се чини дека тие постапиле по барањето.
