Во вториот квартал од 2024 година, економијата на еврозоната порасна за 0,3 отсто квартално, со исто темпо како и економијата на Европската унија.
Ова е втора прелиминарна проценка чии податоци се во согласност со првата проценка, објави денеска Евростат.
Темпото на економски раст е исто како и во првиот квартал од 2024 година, кога економиите на еврозоната и ЕУ исто така пораснаа за по 0,3 отсто во однос на четвртиот квартал од 2023 година.