Почнувајќи од денес ЕВН Македонија ќе управува со седумте мали хидроцентрали кои од 2002 година беа под концесија на чешки Хидропол.
ЕВН и Хидропол во текот на изминатите 11 години ги реконструираа, модернизираа и техничко-технолошки ги надградија малите хидроцентрали Дошница, Калиманци, Матка, Пена, Песочани, Сапунчица и Зрновци.
Освен овие седум мали централи, во сопственост на ЕВН се и ХЕЦ Попова Шапка, ХЕЦ Бабуна, ХЕЦ Белица и ХЕЦ Турија кои исто така се целосно ревитализирани, автоматизирани и технолошки компитабилни.
Вкупната инсталирана моќ на сите 11 мали хидроцентрали изнесува 47 MW, што претставува зголемување за 10%, освен кај ХЕЦ Матка каде моќноста е двојно зголемена со изградбата на целосно нова хидроелектрична централа. Просечното годишно производство изнесува 130 GWh електрична енергија.
